րոֆեսիոնալ ոստիկանները պետք է ընտրեն՝ կամ իրենք «մեխի գլուխ» են, կամ՝ ստում են, որովհետև, ըստ գործի հանգամանքների, որոշ ոստիկաններ տեսել են, որ Իգոր Խաչատուրովը հարվածներ է հասցնում, բայց որևէ գործողություն չեն կատարել։ Հիմա ինքներդ գնահատական տվեք»,-ասել է նա։
Պողոսյանի խոսքերով, երբ հանցագործություն է տեղի ունենում, ոստիկանները պետք է կանխեն այն, ոչ թե գնան ու սկսեն ցուցմունք տալ․ «Ենթադրյալ գործողությունից հետո Իգոր Խաչատուրովն այնտեղ ակցիայի է մասնակցել, երթի է մասնակցել։ Քաղաքի այդ հատվածում գտնվելու ժամանակ նրան բերման են ենթարկել։
Իսկ ոստիկանները պնդում են, թե իրենք տեսել են, թե ինչպես է Իգոր Խաչատուրովը հարվածել։ Բա ինչո՞ւ այդ պահին չեք ձերբակալել, ինչո՞ւ բերման չեք ենթարկել։ Ես նշում եմ գործում ամենափոքր բացթողման մասին, մնացածի մասին կներկայացնեմ դատական նիստում։
Պնդում ենք, որ Իգոր Խաչատուրովը որևէ հանցավոր արարք չի կատարել, այս անհիմն միջնորդությունը պետք է մերժվի, մեր կողմից ներկայացված բողոքը բավարարվի»։
