Ընդդիմությունն այլևս տուն չի գնալու։ Ֆրանսիայի հրապարակում տեղադրվելու է վրան։ Վաղը Հանրապետության բազմաթիվ փողոցներ, մայրուղիներ լինելու են փակ։ Քիչ առաջ Ֆրանսիայի հրապարակում ընթացող հանրահավաքի ժամանակ հայտարարեց ԱԺ փոխնախագահ Իշխան Սաղաթելյանը։ Նա կոչ արեց ուսանողներին և դասախոսներին վաղվանից սկսել դասադուլ և գործադուլ։
«Այս հրապարակն այսուհետ ժողովրդինն է, քիչ անց կտեղադրենք վրաններ, որպեսզի գիշերը կարողանանք անցկացնել։ Այսօրվանից սկսած այս հրապարակը ժողովրդինն է, այս պահից սկսած Հայաստանում իշխանությունը ժողովրդինն է»,- հայտնեց Իշխան Սաղաթելյանը՝ նշելով, որ վաղը 08.30-ից սկսած սկսում են զանգվածային անհնազանդության գործողություններ։
Հիմա քաղաքացիները մինչև ժամը 18:30-18:45 դադարեցնում են հանրահավաքը դադար են տալիս, տեղադրոմ են վրանները, վառարանները, պայմաններ ստեղծում, իսկ 18:45 հանրահավաքը շարունակվելու է:
