Շրջակա միջավայրի և մարդկանց համար լուրջ վտանգ ներկայացնող պայթուցիկ և թունավոր նյութեր են դուրս բերվել Ադրբեջանի Սումգայիթ քաղաքի «Ազերսուն» արդյունաբերական պարկի տարածքից, որտեղ շարունակվում է ուժեղ հրդեհը: Այս մասին հայտնում է «ՌԻԱ Նովոստին»:
Ավելի վաղ «Ազերսուն» հոլդինգի մամուլի ծառայությունը հայտնել էր, որ արդյունաբերական պարկի հրդեհը տարածվել է նաև շրջակա տարածքում։ Ադրբեջանի արտակարգ իրավիճակների նախարարությունը հայտնում է, որ հրդեհի մարմանը ներգրավվել է ավիացիոն խմբի երկու ուղղաթիռ, ինչպես նաև հրշեջ գնացք։ Չնայած ջանքերին՝ կրակը չի հաջողվում մարել։
Նշենք, որ «Ազերսուն»-ը պարենային ապրանքների խոշորագույն արտադրողն ու արտահանողն է Ադրբեջանում, ինչպես նաև զբաղվում է թղթի և փաթեթավորման առևտուրով։
Սումգայիթ քաղաքը Ադրբեջանի մեծությամբ երկրորդ քաղաքն է և երկրի արդյունաբերական կենտրոնը։
