Irakanum.am-ը  հրապարակել էր Արմավիրի մարզի Մերձավան համայնքի մի խումբ բնակիչների բաց նամակը, որտեղ գյուղաբնակները  ներկայացրել էին գյուղում առկա իրավիճակը: Նշենք, որ բաց նամակը հրապարակվել էր ամողջությամբ: Բաց նամակի բովանդակության եւ գյուղապետ Լևոն Գրիգորյանի հասցեին հնչող քննադատությունների վերաբերյալ Irakanum.am-ը պարզաբանում է ստացել Մերձավան համայնքի ղեկավարից: Լեւոն Գրիգորյանը մեզ հետ զրույցում վստահեցրեց, որ  բաց նամակում շարադրված մեղադրանքները իրականությանը չեն համապատասխանում: Գյուղապետը նաեւ հայտնեց, որ տեղյակ է, թե ովքեր են կանգնած այդ նամակի հետեւում, սակայն այս պահին անուններ հայտնել չի ցանկանում: