Ռուսաստանի Դաշնության նախագահի օգնականի պաշտոնակատար Յուրի Ուշակովն անդրադարձել է ԵԱՏՄ վաղը կայանալիք գագաթաժողովին և Պուտին-Փաշինյան հանդիպմանը: «Սա նրանց առաջին շփումն է լինելու, ինչը կարևոր է նախևառաջ նրա համար, որ պետությունների ղեկավարները կծանոթանան միմյանց հետ: Չեմ կարծում, որ միանգամից երկկողմ հարաբերությունների խնդիրների մասին խոր քննարկումներ կծավալվեն: Մյուս կողմից, սակայն, բնական է, որ որոշ հարցեր քննարկվելու են` հաշվի առնելով հատկապես պարոն Փաշինյանի այն հայտարարությունները, որ հնչել են ԵԱՏՄ և ՀԱՊԿ շրջանակներում համագործակցության վերաբերյալ»,- ասել է նա: Հիշեցնենք, որ վաղը Սոչիում կկայանա Եվրասիական տնտեսական բարձրագույն խորհրդի նիստը` Ռուսաստանի, Բելառուսի, Ղազախստանի, Ղրղզստանի նախագահների և Հայաստանի վարչապետի մասնակցությամբ: