Ադրբեջանում ընդդիմադիրը տարօրինակ ու սարսափելի հանգամանքներում մահացել է մամլիչի արանքում:

Ադրբեջանական լրատվամիջոցների փոխանցմամբ՝ դեկտեմբերի 16-ին մահացել է «Քաղաքացիական համերաշխություն եւ քաղաքացիական շարժում» (NIDA) կուսակցության անդամ, 1993 թվականին ծնված Խայամ Թահմազովը։ Նրա մահվան փաստով քրեական գործ է հարուցվել։

Թահմազովի մահվան հանգամանքները սարսափեցնում են. երիտասարդը որպես օպերատոր էր աշխատում տպարանում։ Ըստ քննիչների՝ թղթի կտրման սարքավորման վրա աշխատելիս նա հայտնվել է հիդրավլիկ մամլիչի արանքում, ուր նա իջեցրել էր գլուխն ու ձեռքերը՝ այնտեղ մնացած թուղթը հանելու համար։ Ստացած վնասվածքներից նա տեղում մահացել է։