Արտակարգ իրավիճակների նախարարի ժամանակավոր պաշտոնակատար Դավիթ Տոնոյանն այսօր կնշանակվի ՀՀ պաշտպանության նախարար: Այս մասին կառավարության նիստից հետո լրագրողների հետ ճեպազրույցում հայտնեց ՀՀ վարչապետ Նիկոլ Փաշինյանը: Հարցին՝ կոալիցիոն կառավարություն կլինի՞, թե ոչ, Փաշինայանն արձագանքեց. «Մենք ասել ենք, որ համաձայնության կառավարություն ենք նշանակելու: Կարող եմ ասել, որ այսօր Դավիթ Տոնոյանը կնշանակվի ՊՆ, մյուս նշանակումներն առաջիկայում կլինեն», - ասաց նա՝ չմանրամասնելով, թե որ պորտֆելները կտրամադրվեն Ծառուկյան դաշինքին: Ինչ վերաբերում է ՀՅԴ-ին, ապա Նիկոլ Փաշինյանն ասաց, որ քննարկումները դեռ շարունակվում են