Արցախի հերոս Ռոբերտ Աբաջյանի ծնողները որդու ծննդյան ու մեր երկրի համար ծանր այս օրը որոշեցին Զինվորի տանը լինել՝ զինվորների կողքին…25 տարեկան կդառնար Ռոբերտը, բայց նախընտրեց դիրքը չզիջել՝ իր կյանքի գնով: Զինվորի տանն էր նաև հունահռոմեական ոճի ըմբշամարտի՝ աշխարհի եռակի չեմպիոն, Օլիմպիական խաղերի ոսկե մեդալակիր Արթուր Ալեքսանյանը: Նա եկել էր չեմպիոն դառնալու օրվա իր շապիկը ձեռքին, որի վրա Ռոբերտի պատկերն էր: Ալեքսանյանը հիշեցրեց, որ այն ժամանակ հաղթանակը նվիրել էր Ռոբերտին ու մարտնչած մեր բոլոր տղաներին, իսկ այսօր խաղաղություն մաղթեց մեր երկրին և խոստացավ ապագայի բոլոր հաղթանակները նույնպես նվիրել մեր հերոսներին: «Միայն թե թող ողջ լինեն»,-ասաց:   https://www.youtube.com/watch?v=-4YCMWlJG2o