Երեխայի վաճառքի վերաբերյալ գործը դատարանում է։

Այս մասին տեղեկանում ենք Դատական-տեղեկատվական համակարգից։

Նշենք, որ վաճառված երեխան 2018 թվականին է ծնվել, նա Նատալի Մկրտչյանն է։

Այս քրեական գործով ամբաստանյալի աթոռին 5 անձ է։

Լուրեր են շրջանառվում, որ ամբաստանյալներից մեկը փաստաբան Արմենուհի Առաքելյանն է։ Նրան մեղադրանք է առաջադրվել խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքն իրականացնելու մեջ։

Գործը դատարանում է, այն քննում է դատավոր Կարեն Ֆարխոյանը։

Քրեական գործով կալանավորված անձ չկա, բոլորի նկատմամբ խափանման միջոց է ընտրվել ստորագրությունը՝ չհեռանալու մասին։

Գործով դատական նիստը նշանակվել է նոյեմբերի 18-ին։