Մհեր Մեսրոպյանը` «Մհեր Արմենիան», հայտարարել է համազգային շարժման մեկնարկի մասին. Նա իր երկու գաղափարակից ընկերների հետ Սյունիքի մարզի Շուռնուխ գյուղից ոտքով սկսել է ճանապարհվել Հանրապետության հրապարակ` պահանջելով Կառավարության և Նիկոլ Փաշինյանի հրաժարականը: «Մեր ճանապարհը տևելու է 15 օր, նոյեմբերի 7-ին լինելու ենք հրապարակում», - ասել է Մհերը։ Վերջինս հայտարարել է, որ թույլ չեն տալու, որ վարչապետը նոյեբերի 9-ին ստորագրի նոր եռակողմ համաձայնագիր, որը երկրի ճակատագրի համար կունենա ցավոտ հետևանքներ։ Պահանջում են, որ Փաշինյանը և գործադիրը հրաժարական տան, բայց ցանկանում են, որ օրենսդիրը շարունակի աշխատանքը։