Առողջարանային այս քաղաքում ցիկլոնը երեք բալանոց փոթորիկ է առաջացրել ծովում, օդի ջերմաստիճանը կտրուկ նվազել է, լեռներում բուք է և 0-ից ցածր ջերմաստիճան, իսկ անձրևների ալիքը սկսել է շարժվել դեպի Ադլեր: Sputnik Արմենիայի փոխանցմամբ, տեղեկությունը Telegram ալիքում հայտնել է Սոչիի քաղաքապետ Ալեքսեյ Կոպայգորոդսկին։«Անվտանգության համար լողափերը փակ են... Հիմա ամպրոպները հեռանում են Լազարյան շրջանից և շարժվում դեպի Ադլեր»,- գրել է Կոպայգորոդսկին:
Նրա խոսքով՝ քաղաքային և կոմունալ բոլոր ծառայությունները պատրաստ են վատ եղանակի հետևանքներին։ Հատուկ ուշադրություն է դարձվում այն մայրուղիներին, որոնցում ընթանում է «Ֆորմուլա-1» մրցարշավի Գրան պրին։
