Մեզ նոր տեղեկություններ են հայտնի դարձել ՀՀԿ գործադիր նիստի ժամանակ տեղի ունեցած ծեծկռտուքից։ Մասնավորապես, վիճաբանության կողմերն են եղել նախկին գլխավոր դատախազ, ԱԺ ՀՀԿ պատգամավոր Գեւորգ Կոստանյանն ու Գագիկ Բեգլարյանը։ Թեման եղել է վաղը նախատեսված քվեարկությունը։ Գագիկ Բեգլարյանն ասել է, որ ՀՀԿ-ի քաղաքական թեւը պետք է դեմ քվեարկի Նիկոլ Փաշինյանին։ Կոստանյանին դուր չի եկել այս միջամտությունը, եւ նրանց միջեւ վիճաբանություն է տեղի ունեցել։ Այնտեղ են եղել նաեւ Տարոն Մարգարյանն ու ՀՀԿ խմբակցության ղեկավար Վահրամ Բաղդասարյանը։