«Հայաստան» դաշինքի պատգամավորի թեկնածու Ալեքսանդր Խաչատուրյանը մանդատից հրաժարվելու դիմում է ներկայացրել ԿԸՀ։ Այս մասին Խաչատուրյանը գրել է ֆեյսբուքյան իր էջում։
«Սիրելի հայրենակիցներ,
Կենտրոնական Ընտրական Հանձնաժողով է ներկայացվել պատգամավորական մանդատից հրաժարվելու վերաբերյալ դիմումս։
Ինստիտուցիոնալ ընդդիմության գործունեությունը ենթադրում է ինչպես խորհրդարանական, այնպես էլ արտախորհրդարանական աշխատանք։ Ներկա պահին ինձ ավելի շատ տեսնում եմ խորհրդարանից դուրս և կենտրոնանալու եմ հենց արտախորհրդարանական հարթության վրա, քանի որ այնտեղ ևս հսկայական աշխատանքի կարիք կա։
Գաղափարները շատ են, և բոլորդ դրանց մասին կտեղեկանաք առաջիկայում։
Ամեն ինչ լավ է լինելու»,- գրել է նա։
Նշենք, որ Խաչատուրյանը համարվում է նախկին վարչապետերից Կարեն Կարապետյանի թիմակիցը։ Ժամանակին եղել է վերջինիս խորհրդականը։
Հիշեցնենք, որ ավելի վաղ «Հայաստան» դաշինքի առաջնորդ Ռոբերտ Քոչարյանը ևս մանդատից հրաժարվելու դիմում էր ներկայացրել ԿԸՀ։ Դաշինքի նախընտրական ցուցակից Մարիաննա Եփրեմյանը ևս մանդատը չի վերցնի։
Irakanum.am
00:00:00
