Երեկվանից Ազգային անվտանգության ծառայություն բերման ենթարկված Քաջարանի քաղաքապետ Մանվել Փարամազյանին կալանավորելու վերաբերյալ միջնորդություն է ներկայացվել դատարան։
Միջնորդությունը կքննվի Կենտրոն եւ Նորք-Մարաշ վարչական շրջանների ընդհանուր իրավասության դատարանում՝ 15։30-ին։
Հիշեցնենք, որ երեկ՝ հուլիսի 9-ին ԱԱԾ աշխատակիցները խուզարկություն էին իրականացնում Քաջարանի քաղաքապետի բնակարանում եւ ավտոմեքենայում, այնուհետեւ նա բերման էր ենթարկվել։ Նշենք, որ խուզարկություններ են իրականացվել նաեւ Զանգեզուրի պղնձամոլիբդենային կոմբինատում, որից հետո ձերբակալվել է մեկ անձ։
