Goal.com մարզական կայքը թարմացրել է «Ոսկե գնդակի» հավակնորդների իր վարկանիշը՝ 2021 թվականի արդյունքներով: «Բարսելոնայի» և Արգենտինայի հավաքականի հարձակվող Լիոնել Մեսին 5-րդ տեղից բարձրացել է վարկանիշի առաջին տեղ՝ այնտեղից դուրս մղելով «Չելսիի» և Ֆրանսիայի հավաքականի կիսապաշտպան Նգոլո Կանտեին (այժմ 3-րդն է): Երկրորդ տեղը զբաղեցնում է Ռոբերտ Լևանդովսկին («Բավարիա», Լեհաստանի հավաքական), չորրորդը Ռոմալու Լուկակուն է («Ինտեր», Բելգիայի հավաքական), հինգերորդը Կիլիան Մբապեն է (ՊՍԺ, Ֆրանսիայի հավաքական): «Յուվենտուսի» և Պորտուգալիայի հավաքականի հարձակվող Կրիշտիանու Ռոնալդուն մնացել է նույն՝ 7-րդ տեղում: