Այսօր Բաքվի ծանր հանցագործությունների դատարանում շարունակվում է հայ ռազմագերիների դատավարությունը, որոնք, ըստ Բաքվի, մեղադրվում են մի շարք ծանր հանցագործությունների, այդ թվում «զինված հանցախումբ ձեւավորելու», «Ադրբեջանի տարածք անօրինական մուտք գործելու» եւ այլ հանցարարքների մեջ։ Նշված ռազմագերիներն են՝ Ռաֆիկ Կարապետյանը, Գուրգեն Գոլոյանը, Հրայր Թադեւոսյանը, Վաղարշակ Մելոյանը, Սասուն Եղիազարյանը, Արսեն Վարդանյանը, Վահագն Բաղրիկյանը, Սեդրակ Սողոմոնյանը, Արման Դիլանյանը, Մանուկ Մարտոյանը, Մելս Համբարձումյանը, Անդրանիկ Միքայելյանը եւ Ֆելիքս Գրիգորյանը։ Սրանք այն ռազմագերիների խմբից են, որոնք ԼՂ էին մեկնել նոյեմբերի 26-27-ին եւ զինվաթափվել Հադրութ գյուղի շրջակայքում՝ դեկտեմբերի 13-ին։