ԵՄ երկրներում բռնկվել է կորոնավիրուսի համավարակի երրորդ ալիքը, ճեպազրույցի ժամանակ հայտարարել է Եվրահանձնաժողովի ներկայացուցիչ Դանա Սփինանթը, հաղորդում է ՌԻԱ Նովոստի-ն: «Մենք տեսնում ենք երրորդ ալիքը, որը տարածվում է աստիճանաբար կամ անգամ արագորեն ԵՄ տարբեր երկրներում»,-ասել է Սթինանթը: Նա նշել է, որ տարբեր երկրներում տարածման տեմպերը տարբերվում են, եւ կոչ արել արագացնել պատվաստման գործընթացը: Աշխարհում կորոնավիրուսով վարակվել է ավելի քան 121 միլիոն մարդ, որոնցից շուրջ 2,7 միլիոնը մահացել է: