Հայկ Մամիջանյանը ֆեյսբուքյան իր էջում գրում է․ «Վաղը Ավան եւ Նոր Նորք վարչական շրջանների ընդհանուր իրավասության դատարանում հերթական նիստ է։ Եթե կարդանք շինծու քաղաքական գործի տողերի արանքում, ապա Նախագահին մեղադրում են թուրքին հաղթելու, մեր երկրի շահերը պաշտպանելու, կշռադատված ու խոհեմ լինելու, սեփական երկրին անմնացորդ ծառայելու, կապիտուլյանտների ու դավաճանների դեմ պայքար մղելու համար։
Վաղը Ավան եւ Նոր Նորք վարչական շրջանների ընդհանուր իրավասության դատարանում քննվելու է Նիկոլ Փաշինյանն ընդդեմ Արցախի գործը։
#ԱրցախիԴեմԴատ, #ՀայրենասիրությանՀամարԴատ, #շինծուԳործ
Հ․Գ․ Վաղը ժամը 13։00-ից լինելու եմ Գյուլիքեխվյան 20 հասցեում գտնվող Ավան եւ Նոր Նորք վարչական շրջանների ընդհանուր իրավասության դատարանի բակում՝ ՀՀ 3-րդ Նախագահ Սերժ Սարգսյանի դեմ շինծու քաղաքական գործի հերթական նիստին»։
