Համավարակի սկզբից ի վեր աշխարհում կորոնավիրուսով վարակվածների թիվը հասել է 114 067 979-ի, հայտնում է Ջոնս Հոփկինսի ամերիկյան համալսարանը: COVID-19-ի հետ կապված հիվանդություններից մահացությունների թիվը հասել է 2 530 716-ի, ապաքինվել է ավելի քան 88 միլիոն մարդ: 10 միլիոն կամ ավելի COVID-19 վարակ ունեցող երկրներից են Միացյալ Նահանգները, Հնդկաստանը և Բրազիլիան: Միացյալ Նահանգները շարունակում է մնալ առաջատարը վարակված և մահացած մարդկանց թվով, որտեղ հայտնաբերվել է COVID-ով վարակված 28 605 669 դեպք, գրանցվել է 513 091 մահ, ավելի քան 19 միլիոն մարդ ապաքինվել է: