Մոսկվան պատրաստ է կորոնավիրուսի «բրիտանական» հիմնամանրէին. հիվանդանոցներում բավարար քանակությամբ մահճակալներ են պատրաստել, իսկ բժիշկները հսկայական փորձ են ձեռք բերել: Այդ մասին ՌԻԱ Նովոստիին հաղորդել են Մոսկվայի առողջապահության դեպարտամենտի մամուլի ծառայությունում:
Ավելի վաղ «Վեդոմոստի»-ն տեղեկատվություն էր հրապարակել, թե մայրաքաղաքային իշխանություններն սպասում են, որ Մոսկվայում կարող է հայտնվել կորոնավիրուսի բրիտանական հիմնամանրէ, ինչի պատճառով առկա է համաճարակաբանական իրադրության վատթարացման ռիսկը:
