ՀՀԿ-ն երեկ նիստ է արել և որոշեց, որ իրենց ներկայացնելու է Կարեն Կարապետյանը: Այսօր Հանրապետության հրապարակում հրավիրված հանրահավաքի ժամանակ այս մասին հայտարարեց պատգամավոր, «Իմ քայլը» շարժման ղեկավարներից Նիկոլ Փաշինյանը՝ հավելելով, որ իրենք այս որոշումն ընդունում են ի գիտություն: «Ինչպես և նախկինում պատրաստակամություն ենք հայտնում շարունակել բանակցային գործընթացը մեր առաջարկած օրակարգի շրջանակներում, և ես վաը ժամը 12-ին Կարեն Կարապետյանին հրավիրում եմ Մարիոթ հյուրանոց՝ սկսելու բանակցությունների 2-րդ փուլը, բայց մենք ունենք կոնկրետ պայման. Կարեն Կարապետյանի հետ բանակցությունը նույնպես պետք է այրից ծայր տեղի ունենա լրագրողների ներկայությամբ, որպեսզի հանրությունը տեղյակ լինի՝ ինչ է քննարկվում, մենք ՀՀԿ-ի հետ փակ դռների հետևում չենք բանակցելու»,-ասաց Փաշինյանը:
00:00:00
