Irakanum.am-ն արդեն տեղեկացրել էր, որ փետրվարի 26-ին Արմավիրի մարզի Մեծամոր քաղաքի քաղաքային աղբանոցում  նորածին  երեխայի դի է հայտնաբերվել:Աղբանոցում հայտնաբերված նորածնի վերջույթները եղել են հոշոտված: Ավելի ուշ Քննչական կոմիտեից հայտնեցին, որ Արմավիրի մարզային քննչական վարչությունում ձեռնարկված անհետաձգելի գործողությունների արդյունքում պարզվել է փետրվարի 26-ին Մեծամոր քաղաքի աղբանոցում մահացած հայտնաբերված նորածնի մոր ինքնությունը: Վերջինս Մեծամոր քաղաքի բնակչուհի է՝ ծնված 1981թ., խնամքին ունի 4 երեխա: Աղբանոցում հայտնաբերված նորածնի մահվան դեպքի առթիվ հարուցվել է քրեական գործ՝ ՀՀ քրեական օրենսգրքի 106-րդ հոդվածի հատկանիշներով (Մոր կողմից նորածին երեխայի սպանությունը. պատժվում է ազատազրկմամբ՝ առավելագույնը հինգ տարի ժամկետով): Irakanum.am-ը հրապարակում է նորածնի դին աղբանոցում թողած «ծնողների» լուսանկարը: Լուսանկարը՝ Աննա Հարությունյանի ֆեյսբուքյան էջից: