Brexit-ի հարցով ԵՄ գլխավոր բանակցող Միշել Բարնիեն հայտարարել է, որ Մեծ Բրիտանիան պետք է ընդունի Brexit-ի նոր իրողությունները, եւ ԵՄ կազմից Բրիտանիայի դուրս գալը հանգեցրել է Լոնդոնի ու Բրյուսելի միջեւ լարվածության Հյուսիսային Իռլանդիայի շուրջ, այլ ոչ թե Brexit-ի արձանագրությունների, հաղորդում է Reuters-ը: Մեծ Բրիտանիան պահանջել է Հյուսիսային Իռլանդիայի հետ կապված փոփոխություններ կատարել Brexit-ի համաձայնագրի մեջ այն բանից հետո, երբ Եվրահանձնաժողովը փորձել է կանխել պատվաստանյութերի տեղաշարժը ԵՄ անդամ Իռլանդիայի եւ Հյուսիսային Իռլանդիայի (Մեծ Բրիտանիայի կազմում է-խմբ.) միջեւ բաց սահմանով: