Այսուհետ Վրաստանի մայրաքաղաք Թբիլիսիում տաքսու վարորդները երկու շաբաթը մեկ կորոնավիրուսի հայտնաբրեման ՊՇՌ թեստ կհանձնեն: Այս մասին ասել է Վրաստանի մայրաքաղաքի քաղաքապետ Կախա Կալաձեն ավագանու նիստում, հայտնում է Sputnik-ի վրացական ծառայությունը: Նշվում է՝ միջգերատեսչական համակարգող խորհրդի որոշման համաձայն, Թբիլիսիում կիրականացվի A և B կարգերի տաքսու վարորդների թեստավորում, որովհետև մայրաքաղաքում դեպքեր են եղել, երբ վարակված վարորդները շարունակել են աշխատել: Քաղաքապետի խոսքով ՝ նոր կանոնակարգը հաստատման համար մոտ ժամանակներս կներկայացվի Թբիլիսիի քաղաքային ժողով: