«Հենակետ» վերլուծական կենտրոն ՀԿ ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը ֆեյսբուքյան իր էջում գրել է. «Այս պատերազմում մեր գաղափարական տապալման հիմքը դրվեց այն ժամանակ, երբ մարտական գործողությունների առաջին օրերից պահեստազորայիններին և կամավորականներին որպես «մարտակոչ» ռազմաքաղաքական ղեկավարությունը փոխանցում էր՝ գնում ենք հայրենիքի համար մեռնելու։ Ոչ թե Հայրենիքը փրկելու, հայի գոյությունը, պատիվն ու արժանապատվությունը փրկելու, երկիրը պաշտպանելու, պայքարելու, այլ ուղղակի մեռնելու»: