Այսօր առավոտյան ժամը 4:00-ին Սուրբ Հարության իրավատեր երեք համայնքների հոգևոր պետերի որոշմամբ բացվեցին Երուսաղեմի Սուրբ Հարության տաճարի դռները, որոնք փակվել էին փետրվարի 25-ին՝ ի նշան բողոքի Երուսաղեմի քաղաքապետարանի որոշման, որով հրահանգված էր հարկեր գանձել Սուրբ երկրի եկեղեցիներից ու վանքերից և Քնեսեթում քննարկվելիք օրինագծի դեմ, որով իրավունք է վերապահվում հրեական պետությանը բռնագրավել եկեղեցապատկան այն բոլոր կալվածքները, որոնք վարձակալության են տրվելու անհատ ընկերություններին կամ ձեռներեցներին: Ըստ այդ օրինագծի, նաև նոր հանձնաժողով է ստեղծվելու, առանց որի թույլտվության, քրիստոնեական պատրիարքարանները հողերի վարձակալում չեն կարող իրականացնել: