«ՌԴ ԱԻՆ մասնագետները, որոնք այսօր ուղարկվել են Մոսկվայից Լեռնային Ղարաբաղում գերատեսչության խմբավորման համալրման համար, ժամանել են Ստեփանակերտ: Վաղվանից նրանք կանցնեն հումանիտար առաքելության շրջանակներում հանձնարարությունների իրագործմանը»,- ասվում է գերատեսչության հաղորդագրության մեջ: Նշվում է, որ Ստեփանաակերտ են ժամանել կինոլոգներ, պիրոտեխնիկներ և լեռնային փրկարարներ: Միևնույն ժամանակ մասնագետների հետ միասին Ղարաբաղ է հասցվել 4 տոննա կահույք՝ որպես հումանիտար օգնություն: Լեռնային Ղարաբաղում ՌԴ ԱԻՆ-ի աշխատանքների ողջ ընթացքում տեղաբաշխվել է 65 տոննա օգնություն՝ մեծամասամբ շինանյութ: Հիշեցնենք, որ Նիկոլ Փաշինյանը նոյեմբերի 10-ին ստորագրել է եռակողմ հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը, բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։ Ըստ այդ հայտարարության՝ Լեռնային Ղարաբաղում շփման գծի երկայնքով և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորախումբ, այդ թվում՝ հրաձգային զենքով զինված 1960 զինծառայող, 90 զրահամեքենա, 380 միավոր ավտոմոբիլային և հատուկ տեխնիկա: