ԱԺ իշխող «Իմ քայլը» խմբակցությունը խորհրդարանում փակ նիստ է անցկացնում։ Այն մեկնարկեց մոտ 40 րոպե առաջ։ Խմբակցությունը քննարկում է ստեղծված իրավիճակն ու առաջիկա անելիքները։ Factor.am-ի տեղեկություններով՝ նիստին մասնակցում է ԱԺ նախագահ Արարատ Միրզոյանը, որը ապաքինումից հետո առաջին անգամ է խորհրդարան գալիս։ Լուրը մեզ հետ զրույցում հաստատեց պատգամավոր Արտակ Մանուկյանը։ Հիշեցնենք, որ Միրզոյանը նոյեմբերի 9-ի, լույս 10-ի գիշերը հարձակման էր ենթարկվել մի խումբ քաղաքացիների կողմից։ ԱԺ նախագահը դրանից հետո մի քանի վիրահատության է ենթարկվել և վերջին օրերին ապաքինման փուլում էր։