Ազգային ժողով-Կառավարություն հարցուպատասխանի ժամանակ «Ծառուկյան» խմբակցության պատգամավորները բարձրացրին «Բարձրագույն կրթության մասին» օրենքը, հետաքրքրվեցին՝ ինչու պետք է ՀԲ-ի փորձագետները մշակեն և տարիքային սահմանափակում մտցնեն: Հիշեցնենք, որ 70 տարեկան դասախոսներին կարգելվի դասախոսությամբ զբաղվել:  Նախարարը նշեց, որ օրենքը գրվել է ՀՀ-ում, հեղինակների կազմն էլ այստեղ է, իսկ Համաշխարահային բանկը գրված օրենքը ենթարկել է փորձաքննության, այն էլ իրենց խնդրանքով: «Սա խարդախություն է, միտումնավոր խաղ»,-հայտարարեց պատգամավոր Մարինա Մարգարյանը: ԿԳ նախարար Լևոն Մկրտչյանն էլ արձագանքեց, թե չի կարելի նման բան ասել: «Ոչ մի խաղ էլ չկա՝ որևէ մեկի շահերին ուղղված: Ուզում ենք նորմալ օրենք բերել, որ մի մարդը 4 ամբիոնում չաշխատի, մարդը կարողանա իր աշխատանքից հաճույք ստանալ ու կատարել իր հիմնական պարտավորությունները»,-ասաց նա: