ԱԺ-Կառավարություն հարցուպատասխանի ժամանակ «Ծառուկյան» խմբակցության պատգամավոր Գևորգ Պետրոսյանը դժգոհեց կառավարության վերաբերմունքից: Ըստ նրա՝ իրենց դաշինքի նախագծերը մշտապես մերժվում են: «Մենք կտրե՞նք մեր հույսը նրանից, որ կառավարությունը պետք է հարգանքով վերաբերի ընդդիմության ներկայացրած նախագծերին: Սա ի՞նչ է նշանակում, թե կառավարությանը չի հետաքրքրում այդ խնդիրը, դրա համար կարելի է խոստանալ և մոռանալ: Խնդրում և անկնալում եմ, որ հուզական չեզոքություն ապահովող պատասխան տաք, այլապես իմ արձագաքն էլ կլինի այդպիսին», - ասաց Պետրոսյանը:
Աշխատանքի և սոցիալական հարցերի նախարար Արտեմ Ասատրյանը պատասխանեց, որ ինքը չի հիշում, թե նման խոստում է եղել: «Կառավարությունը համապատասխան նիստով հավանության է արժանացնելու այս օրենքում փոփոխությունների և լրացումների մասին նախագիծը, և ձեր նշված խնդրի լուծումը ևս ներառված է նախագծում և այն շատ ավելի համապարփակ ու լիարժեք լուծում առաջարկում է», - նշեց նախարարը: Ասատրյանն ընդգծեց, որ խմբակցության ներկայացրած ձևաչափով լուծումն այս պահին համարում է ժամանակավրեպ, մինչդեռ եթե անհրաժեշտություն կա, իրենք դեմ չեն քննարկում կազմեկերպել հենց վաղը:
00:00:00
