Լեռնային Ղարաբաղում Բաքվի հսկողության տակ անցնող շրջաններից աշխարհազորայինների ստորաբաժանումների դուրս բերումը դանդաղել է, սակայն շարունակվում է՝ չնայած եղանակային վատ պայմաններին, ՌԻԱ Նովոստի-ին հայտնել է խաղաղապահ ուժերի շտաբից աղբյուրը: «Չնայած բարդ իրադրության՝ Աղդամի, Քարվաճառի եւ Լաչինի շրջաններից աշխարհազորայինների ստորաբաժանումների դուրս բերումը շարունակվում է: Իհարկե, այժմ դա դանդաղել է եղանակային վատ պայմանների եւ ճանապարհների առանձին հատվածների ականազերծման կապակցությամբ: Դա, մասնավորապես, վերաբերում է լեռնային տեղանքին»,-հայտարարել է գործակալության զրուցակիցը: