Իսպանիայի մայրաքաղաք Մադրիդում հանուն Արցախի հուժկու ցույցի ժամանակ հայ համայնքին իրենց աջակցությունն են հայտնել իսպանացի պատգամավորներն ու հայտնի իսպանահայեր: «Արմենպրես»-ի հաղորդմամբ՝ Իսպանիայի կոալիցիոն կառավարության մաս կազմող «Միասին կարող ենք» դաշինքի պատգամավորները, թավջութակահար Արա Մալիկյանը, «Թղթե տունը» (La Casa De Papel) իսպանական քրեական դրամայի հայ դերակատար Հովիկ Կեուչկերյանը և բազմաթիվ այլ իսպանացիներ մասնակցել են խաղաղ ակցիային: Այն մեկնարկել էր Տերունական աղոթքով: