«Ժամանակ» թերթը գրում է. «Կառավարությունը քննարկման է ներկայացրել «Նավթի և բնական գազի երկրաբանական ուսումնասիրությունների առանձնահատկությունների մասին» oրենքի նախագիծ, որով կարգավորվելու են Հայաստանի տարածքում նավթի և բնական գազի երկրաբանական ուսումնասիրությունների նպատակով ընդերքի տրամադրման սկզբունքներն ու կարգը: Նման օրենքի նախագծի գոյությունը չի նշանակում, որ Հայաստանի ընդերքում նավթի և գազի հանքավայրեր են հայտնաբերվել և մնում է դրանց տրամադրման կարգը սահմանվի: Ուղղակի նման օրենքը միջազգային պահանջ է: Առավել մանրամասն՝ թերթի այսօրվա համարում: