Ազատության հրապարակում ընթացող հանրահավաքի ժամանակ «Քաղաքացիական պայմանագիր» կուսակցության անդամ, պատգամավոր ու «Իմ քայլը» նախաձեռնության ղեկավար Նիկոլ Փաշինյանը տեղեկացրեց, որ վաղը պատրաստվում են շրջափակել ՀՀԿ կենտրոնական գրասենյակի շենքը, որտեղ վաղը ընթանալու է կուսակցության խորհրդի նիստը: Նիստին, ինչպես ավելի վաղ ենք տեղեկացրել, կուսակցության գործադիր մարմինը պիտի ներկայացնի Սերժ Սարգսյանի թեկնածությունը՝ վարչապետի պաշտոնում: Քաղաքացիները ժամ հարցրին, Փաշինյանը նշեց՝ կճշտի, կտեղեկացնի: Այնուհետ մասնակիցները շարժվեցին դեպի Ֆրանսիայի հրապարակ: