Ազատության հրապարակում մեկնարկեց «Իմ քայլը» նախաձեռնության հրավիրած հանրահավաքը: Նախաձեռնութթյունը «Քաղաքացիական պայմանագիր» կուսակցությանն է, իսկ նախաձեռնության ղեկավարը «Ելք» խմբակցության ղեկավար Նիկոլ Փաշինյանն է: Նա իր ելույթում նախ հիշեցրեց, որ մարտի 31-ին Գյումրիից ոտքով քայլելով 14 օրերի ընթացքում հասել են Երևան: «Սա արշավ էր ընդդեմ Սերժ Սարգսյանի երրոդ ժամկետի ու ընդեմ ՀՀԿ-ի, սա արշավ է ընդդեմ հուսահատության ու հանուն արժանապատվության, հանուն նոր կյանքի»,-ասաց նա: Փաշինյանի խոսքով՝ իրենց քայլերթին հանդիպած քաղաքացիները բողոքում էին ՀՀԿ-ից: «Տեսանք զզվանք Սերժ Սարգսյանի ու ՀՀԿ-ի հանդեպ»,-ասաց նա:   https://www.youtube.com/watch?v=44Hv5sEVVO8&feature=youtu.be