«Բավարիայի» մարզական տնօրեն Հասան Սալիխամիջիչը ակումբի հեռուստաեթերում պաշտոնապես հաստատեց, որ 2018թ. հուլիսի 1-ից մյունխենյան թիմի նոր գլխավոր մարզիչ կդառնա Նիկո Կովաչը, որն այժմ գլխավորում է Ֆրանկֆուրտի «Այնտրախտը»: Խորվաթ մասնագետի հետ կկնքվի 3 տարվա պայմանագիր: Կովաչի տեղափոխության համար «Բավարիան» «Այնտրախտին» կվճարի 2,2 մլն եվրո: Նիկոյի հետ Մյունխեն կտեղափոխվի նրա եղբայրը և օգնականը՝ 44-ամյա Ռոբերտ Կովաչը: