Երևանի Ֆրանսիայի հրապարակում «Մերժիր Սերժիր» նախաձեռնության անդամները նստացույց են կազմակերպել: Մի խումբ երիտասարդներ վրան են խփել այստեղ, տեղավորվել վրանում, ոստիկանները հեռացրել են վրանները, սակայն ցուցարարներին չեն կարողացել հեռացնել փողոցից: Նրանք փակել են ճանապարհը: Նշենք, սակայն, որ քիչ առաջ ոստիկանությունից հայտարարեցին, որ ակտիվիստների գործունեությունը հակաօրինական է: Հիշեցնենք, որ նախաձեռնությունը պայքարում է Սերժ Սարգսյանի վարչապետության դեմ: