«Ընդդիմություն են Զարուհին, Նիկոլը, Թրամփն ու Պուտինը: Սրանք էստեղ ուզում են Սերժին փոխեն, նրանք էնտեղ՝ համաշխարհային օլիգարխիային»,-այսօր լրագրողների հետ հանդիպմանն ասաց «Ղարաբաղ» կոմիտեի անդամ Աշոտ Մանուչարյանը:
Մանուչարյանը ընդգծեց.«Էս չորսին միավորում է մի բան ՝ չեն պատկերացնում՝ ինչպիսին պետք է լինի ապագա աշխարհը»:
Նրա խոսքով՝ չկա Հայաստանի իշխանություն և Սերժ Սարգսյանին ոչ թե առաջադրում են հանրապետականները, այլ գերտերությունները. «Սերժ Սարգսյանը հավաստիացումներ ստացավ աշխարհի ուժեղներից: Այս ամենից ելնելով կասեմ, որ ապրիլին այնքան բուռն կլինի ինչքան կորոշվի: Սակայն պետք է նկատել, որ այդ համաշխարհային ուժերը, եթե կարողանային իրար մեջ պայմանավորվել Սիրիայում էլ խաղաղություն կլիներ: Գիշատիչները իրականում շատ են»,-ընդգծեց քաղաքական գործիչը:
Մանուչարյանը հայտնում է, որ Հայաստանում իրականացվում է մի ծրագիր, որը կոչվում է՝ Հայաստանի և հայության ոչնչացում: Նրա խոսքով՝ ծրագիրը իրականացվում է դրսից:
«Ծրագիրը իրականացվում է չորս հիմնական գործիքներով, առաջինը իրենց հարմար իշխանությունն է, որը սուտասան է և գող: երկրորդը ցեղասպան համակարգի ստեղծումն է»,-նշեց Մանուչարյանը:
00:00:00
