Իրանի խորհրդարանը հավանություն է տվել դրամային բարեփոխմանը, որով իրանական արժույթի անվանումը փոխվելու ՝ ռիալից դառնալով թուման և չորս զրո է կրճատելու ազգային արժույթից: Այս մասին հայտնում է Mehr գործակալությունը: Նոր օրենքով, 10 հազար ռիալը հավասար է լինելու 1 թումանի, իսկ 1 թումանը՝ 100 փարսեհի: Խորհրդարանը կառավարությանը երկու տարի ժամկետ է տվել նոր արժույթը մտցնելու և թղթադրամներն ու մետաղադրամները փոխարինելու համար: Անցումային փուլում երկու արժույթներն էլ՝ ռիալն ու թումանը, վավեր են լինելու: