Ադրբեջանի Միլի Մեջլիսի նիստին Գլխավոր դատախազության կոռուպցիայի դեմ պայքարի գլխավոր վարչության ղեկավար Քյամրան Ալիեւը հաստատվել է երկրի գլխավոր դատախազի պաշտոնում: Նրա թեկնածությունն առաջադրվել է Ադրբեջանի նախագահ Իլհամ Ալիեւի կողմից, հայտնում է Turan-ը: Քյամրան Ալիեւը (1965 թ.) 1987 թվականին ավարտել է Իրկուտսկի պետական համալսարանի իրավաբանական ֆակուլտետը եւ մի քանի տարի տարբեր պաշտոններում աշխատել է Անդրբայկալի (Ռուսաստան) դատախազության մարմիններում: 90-ականների կեսերից սկսել է աշխատել Ադրբեջանի դատախազության մարմիններում, որտեղ զբաղեցրել էր պաշտոններ կադրերի բաժնում, գիտակրթական կենտրոնում եւ ծանր հանցագործությունների դեմ պայքարի քննչական բաժնում: 2007-ին ղեկավարել է Կոռուպցիայի դեմ պայքարի վարչությունը: 2014 թվականից ի Քյամրան Ալիեւը նաեւ երկրի գլխավոր դատախազի տեղակալն է: