Կորոնավիրուսով հիվանդացածների կեսից ավելին տառապում են եւս մեկ կամ մի քանի խրոնիկ հիվանդություններով։ Նման դեպքերում մահացությունը գրեթե քառասուն տոկոսանով ավելի հավանական է դառնում։ Ինչպես գրում է Daily Mail-ը, Եվրոպայում իրականացված մի հետազոտություն պարզել է, դեմենցիա ունեցող մարդկանց մոտ կորոնավիրուսով վարակումը 39 տոկոսով ավելի բարձրացնում է մահանալու հավանականությունը։ Սրտի հետ կապված հիվանդությունների դեպքում ռիսկայնությունը ավելանում է 31 տոկոսով, իսկ ճարպակալման դեպքում՝ 37 տոկոսով։ Կորոնավիրուսի ժամանակ վտանգավոր հիվանդություններ են նաեւ դիաբետն ու ասթման։