«Սերժ Սարգսյանը Հայաստանի 3-րդ նախագահն է, եւ իմ քաղաքական առաջնորդը եւ ես որեւէ կաշկանդվածություն չունեմ, թե ում նկարը կախեմ»: ԱԺ-ում լրագրողների հետ զրույցում ասաց ԱԺ փոխնախագահ Էդուարդ Շարմազանովը, պատասխանելով այն հարցին, թե ինչո՞ւ է Սերժ Սարգսյանի լուսանկարը շարունակում փակցված մնալ իր աշխատասենյակում: Շարմազամովն ասաց, որ ինքը Սերժ Սարգսյանի զինվորն է, եւ լուսանկարը շարունակելու է մնալ այնքան ժամանակ, քանի դեռ ինքն այդ աշխատասենյակում է լինելու: Հարցին, թե նորընտիր նախագահ Արմեն Սարգսյանի լուսանկարը փակցվելու ե՞ք, Շարմազանովն ասաց, որ եթե օրենքը պարտադրի, ապա՝ այո, եթե ոչ՝ կնայի: Այլ մանրամասներ՝ Irakanum.am-ի տեսանյութում: https://www.youtube.com/watch?v=LSFdmprw1jE&feature=youtu.be