Մենք կառավարությանն առաջարկելու ենք երկարաձգել արտակարգ դրությունը: Այս մասին մամուլի ասուլիսի ժամանակ հայտարարեց ՀՀ առողջապահության նախարար Արսեն Թորոսյանը: Նրա խոսքով՝ որոշումը կընդունվի՝ հաշվի առնելով մի շարք հանգամանքներ, սակայն գործողությունների շարունակականությունն ապահովելու համար արտակարգ դրության ռեժիմը կարևոր է: Նախարարը նշեց, որ այսօր նախարարության խնդիրն է գտնել վարակի բոլոր հնարավոր դեպքերը, թեստավորել, հաստատել, մեկուսացնել և բուժել: