Այս շաբաթ «Արմենիա» հեռուստաընկերությամբ ցուցադրվող մի շարք ծրագրեր եթերային ժամի եւ օրերի փոփոխությամբ կհեռարձակվեն: Մասնավորապես, «Շիրազի Վարդը» եւ «Անհասցե ծնվածները» սերիալները եթերում կլինեն ոչ թե շաբաթական 5 օր, այլ յուրաքանչյուրը՝ երեքական օր: «Շիրազի Վարդը» կցուցադրվի երկուշաբթիից չորեքշաբթի՝ ժամը 21:45-ին, իսկ «Անհասցե ծնվածները» սերիալը եթերում կլինի հինգշաբթիից շաբաթ՝ ժամը 21:45-ին, գրում է BRAVO.am-ը։ «Արմենիա» հեռուստաընկերության հասարակայնության հետ կապերի բաժնից BRAVO.am-ին տեղեկացրել են, որ շարունակում են աշխատանքները կազմակերպել արտակարգ դրության պայմաններին համապատասխան.«Մենք հոգ ենք տանում, որ մեր աշխատակազմը առավելագույնս պաշտպանված ու առողջ լինի»: Հումորային նախագծերից «Հարս չկա»-ն եթերում կլինի երկուշաբթի եւ չորեքշաբթի օրերին, իսկ «Փափուկ խաղալիք» սիթքոմը՝ երեքշաբթի եւ հինգշաբթի: BRAVO.am