00:00:00

Լարված իրավիճակ Զոդի կամրջի վրա տեղի ունեցած ողբերգական ավտովթարի գործով դատական նիստի ընթացքում

20:24, 11 մարտ 2020 Իրավական

Այսօր Արտաշատի ընդհանուր իրավասության դատարանում կայացել է Զոդի կամրջի վրա տեղի ունեցած ողբերգական ավտովթարի գործով դատական նիստը, գրում է Shantnews.am-ը։

Հիշեցնենք, որ նախորդ տարվա հուլիսին տեղի ունեցած ավտովթարի հետևանքով զոհվել էր 6 քաղաքացի, 11 մարդ վնասվածք էր ստացել: Գործով ամբաստանյալ Սողոմոն Հակոբյանն իրեն առաջադրված մեղադրանքը չի ընդունում։ Մեղադրող դատախազը դատարանին առաջարկել է դատաքննության ընթացակարգ` սկզբում լսել տուժող կողմին, վկաներին, հետո անցնել գործով առկա ապացույցների հետազոտմանը, իսկ վերջում` լսել ամբաստանյալին: Տուժածներից 2-ը պատմել են տեղի ունեցածը, մյուս տուժածները ներկա չեն եղել, ուստի դատարանն առաջարկել է հետաձգել նիստը մինչև մարտի 27-ը: Ընդմիջմանը լարված իրավիճակ է առաջացել` տուժողների իրավահաջորդները մեղադրել են փաստաբանին ամբաստանյալի պաշտպանությամբ զբաղվելու համար, վիրավորական արտահայտություններ հնչեցրել ամբաստանյալի հասցեին: Մանրամասները` տեսանյութում: https://www.youtube.com/watch?time_continue=2&v=U4j_2gi7RqI&feature=emb_title

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր