SHAMSHYAN.com-ի տեղեկություներով, ոստիկանության Կենտրոնական բաժնի հետաքննչական բաժանմունքի հետաքննիչ Ոսկանյանի կողմից նյութեր են նախապատրաստվում երեկ՝ ապրիլի 6-ին, «Նաիրի» բժշկական կենտրոնից ոստիկանության Կենտրոնական բաժին ստացված ահազանգի փաստով: Ինչպես հայտնում է ֆոտոլրագրող Գագիկ Շամշյանը, ժամը 21:25-ի սահմաններում, «Նաիրի»» բժշկական կենտրոնից ոստիկանության Կենտրոնական բաժին հայտնել են, որ «ուղեղի ցնցում, դեմքի փափուկ հյուսվածքների սալջարդ, գագաթային շրջանի քերծված վերք և հեմատոմա» ախտորոշմամբ իրենց մոտ բուժօգնության է դիմել մի քաղաքացի: Հիվանդանոց մեկնած օպերատիվ խումբը պարզել է, որ վիրավորը Վեդի քաղաքի բնակիչ, 55-ամյա Արմեն Մուրադյանն է: Վերջինս ոստիկաններին հայտնել է, որ վնասվածքները ստացել է տանը: Գ. Շամշյանի տեղեկութնուններով, ոստիկանները սակայն նրա ասածը արժանահավատ չեն համարել և դեպքի հանգամանքները պարզելու նպատակով ոստիկանության Կենտրոնական բաժնի պետ, ոստիկանության գնդապետ Արամ Հովհաննիսյանի որոշմամբ ստեղծվել է օպերատիվ խումբ՝ բաժնի պետի օպերգծով տեղակալ Պապյանի գլխավորությամբ: Գ. Շամշյանի տեղեկություններով, Ա. Մուրադյանը զբաղվում է շինանյութի, այդ թվում՝ ցեմենտի առք ու վաճառքով, ով մի քանի ցեմենտատար ավտոմեքենա ունի և վարձակալական հիմունքներով տալիս է այլ վարորդների, և վիճաբանությունը տեղի է ունեցել նրա ու վարձակալների միջև, ինչն էլ ավարտվել է փոխադարձ ծեծկռտուքով: Ոստիկանները պարզել են նաև, որ իրականությանը չեն համապատասխանում տեղեկություններն այն մասին, որ նրան ծեծի է ենթարկել Ազգային Ժողովի պատգամավոր, ԲՀԿ նախագահ Գագիկ Ծառուկյանը և Ա. Մուրադյանի ինքնազգոցությունը այնքան վատ է, որ նա չի կարողացել կատարվածի մասին բացատրություն տալ: Մինչդեռ հետաքննիչի մոտ նա դեպքի որոշ հանգամանքներ է հայտնել: Կան նաև տեղեկություններ, թե ինչ երթուղով է նա այդ օրը շրջել: Գ. Շամշյանի տեղեկություններով, վիճաբանությունը տեղի է ունեցել ավտոմեքենաների վարձակալման հետ կապված խնդրի շուրջ: Մեր տեղեկութնուններով, հերքվել է նաև այն փաստը, որ խնդրով զբաղվելու են ոստիկանության Արարատի բաժնում, քանի որ Ա. Մուրադյանը հետաքննիչին հայտնել է, որ ինքը գրանցված է Վեդի քաղաքում, սակայն բնակվում է Երևանում: Առավել մանրամասն՝ այստեղ: