Ապրիլի 7-ին, ժամը 14:58-ին ահազանգ է ստացվել, որ քաղաքացին փորձում է ինքնասպանություն գործել՝ ցած նետվելով Երևան քաղաքի Արծրունու փողոցի թիվ 17ա շենքի 4-րդ հարկի բնակարաններից մեկի պատշգամբից. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական աջակցության բաժնի հրահանգիչը: Փրկարարների հետ զրույցի ընթացքում քաղաքացի Ն. Ղ.-ը իջել է պատշգամբից և ինքնուրույն բացել բնակարանի դուռը: Հոգեբանական խորհրդատվության գծով կրտսեր հրահանգիչը Ն. Ղազարյանին ցուցաբերվել է համապատասխան հոգեբանական օգնություն: