Մայրության և գեղեցկության տոնի առիթով ևս մեկ գեղեցիկ նախաձեռնություն է կյանքի կոչվել: Մայրաքաղաքի փողոցներում շրջող զարդարված ձիակառքից ավանդական հայկական տարազներով երիտասարդները անցորդ կանանց ու աղջիկներին բաժանել են ծաղիկներ՝ Երևանի քաղաքապետի շնորհավորական բացիկներով: Անսպասելի անակնկալի մասնակիցներն իրենց գոհունակությունն են հայտնել նախաձեռնության կազմակերպիչներից՝ նշելով, որ շոյված ու տպավորված են Երևանի քաղաքապետարանի հերթական տոնական միջոցառումից: