«Ժամանակ» թերթը գրում է. «Ընդամենը 10 օրից տեղի են ունենալու վարչապետի ընտրությունները, սակայն որևէ մեկը չի կարող ասել, թե ինչպես կքվեարկի ԱԺ պատգամավորների թվով երկրորդ խմբակցությունը՝ «Ծառուկյան» դաշինքը:

Դաշինքի պատգամավորները փորձում են ամեն կերպ խուսափել այս հարցին ուղիղ պատասխանելուց՝ պատճառաբանելով, որ դեռ վարչապետի թեկնածուն հայտնի չէ, կամ որ իրենց քվեարկությունից, միևնույն է, ոչինչ կախված չէ, և վարչապետի հարցը պետք է որոշի ՀՀԿ-ՀՅԴ կոալիցիան: Մինչդեռ բոլորի համար էլ պարզ է, որ վարչապետի թեկնածության հարցը վաղուց լուծված է՝ ՀՀԿ-ն ընդամենը մի անփոխարինելի թեկնածու ունի, և որքան էլ վարչապետի հարցը լուծվի կառավարող կոալիցիայի շրջանակում, միևնույն է՝ «Ծառուկյան» դաշինքը պետք է այդ ընտրության նկատմամբ որոշակի դիրքորոշում արտահայտի»: Առավել մանրամասն՝ թերթի այսօրվա համարում