Անգլիական «Մանչեսթեր Սիթիի» գլխավոր մարզիչ Պեպ Գվարդիոլան հայտարարել է, որ չի հեռանա ակումբից, եթե նույնիսկ թիմը հայտնվի ցածր լիգաներում, տեղեկացնում է Daily Mail-ը:
«Ես չեմ լքի իմ թիմը. դա անհնար է: Սա մի ընտանիք է, որտեղ բոլորը հարգում են միմյանց:
Չեմ պատրաստվում ակումբին թողնել նման բարդ իրավիճակում: Ես կմարզեմ թինը, եթե հայտնվենք՝ 2-րդ, 3-րդ, կամ 4-րդ լիգայում:
Մենք պետք է միավորվենք և միասին դիմակայենք բոլոր խնդիրներին»,-ասել է Գվարդիոլան:
Հիշեցնենք, որ ՈւԵՖԱ-ն թիմին արգելել է հաջորդ երկու մրցաշրջաններում Եվրագավաթներին մասնակցելու հնարավորությունից։ Բացի այդ, «քաղաքացիների» նկատմամբ տուգանք է սահմանվել 30 մլն եվրոյի չափով։
